Projekti i Superligës Europiane, i mbështetur nga Real Madrid, Barcelona dhe Juventus, tashmë ka një aleat të ri. Edhe pse ideja është refuzuar nga pjesa më e madhe e futbollit në kontinent, në mbështetje të saj ka dalë Ronaldo “Fenomeni”.
“Nuk është ide e keqe. Tifozët duan të shohin ndeshjet më të rëndësishme”, deklaroi Ronaldo. Ai shtoi: “Të pasionuarit e futbollit dëshirojnë të shohin Realin që luan kundër Milanit, Interit, Manchester City apo Paris Saint Germain. Duam t’i shohim këto sfida pa qenë të detyruar të presim çerekfinalet apo gjysmëfinalet e Champions”.
Sipas fenomenit, projekti ka potencial dhe në të ardhmen mund të ketë risi për klubet dhe tifozët, pasi ka ardhur koha që produkti i futbollit të përmirësohet.