Përfundon seanca ndaj Saimir Tahirit. Sipas burimeve, SPAK kërkon lënien në fuqi të vendimit të Apelit, kthimin në Gjykim në Shkallë të Parë.
Ndërkohë, avokati Maksim Haxhia ka kërkuar prishjen e vendimit sepse anëtarët e trupës kanë qenë në papajtueshmëri, dhe shqyrtimin e çështjes nga një trup tjetër në Apel.
Tahiri mbërriti në mëngjes në ambientet e Gjykatës së Lartë. Në këtë gjykatë Tahiri kërkoi prishjen e vendimit të Apelit të Posaçëm, që ktheu për rigjykim dosjen e tij.
Rekurs për çështjen ka bërë edhe prokuroria, e cila i qëndron kërkesës për dënimin e Tahirit me 12 vite burg për "trafik narkotikësh" dhe "grup të strukturuar kriminal".
Sipas prokurorisë, Tahiri dhe i bashkëpandehuri i tij Jaeld Cela kanë garantuar grupin e "Habilajve" në trafikun e sasive të mëdha të kanabisit nga Shqipëria në Itali.
Apeli i Posaçëm e vlerësoi si të gabuar rikualifikimin e veprës penale për ish-ministrin dhe ktheu dosjen për rigjykim në Shkallën e Parë.