Vrasja e oficerit të Policisë, PD: Tragjedi e paralajmëruar, të ndershmit janë braktisur nga shteti

Përditësuar më: 28/9/2021, ora 14:43
28 SHTATOR GJONI LIVE frame 23035 1 1024x576

Vrasja e oficerit të Policisë, PD: Tragjedi e paralajmëruar, të ndershmit janë braktisur nga shteti

Përditësuar më: 28/9/2021, ora 14:43

Partia Demokratike shprehur ngushëllimet tona familjes së nën/komisarit të policisë, Saimir Hoxha, të vrarë sot në detyrë, teksa kontrollonte për kanabis në zonën e mbrojtur të Kune-Vainit.

“Fatkeqësisht kjo është një tragjedi e paralajmëruar, sepse prej vitesh punonjësit e policisë që shërbejnë me ndershmëri në mbrojtje të rendit dhe sigurisë janë braktisur nga shteti i gjunjëzuar përpara krimit, i cili është në revansh për shkak të modelit të bashkëpunimit me krimin të frymëzuar nga ky regjim i korruptuar”, tha nënkryetari i Kuvendit, Enkelejd Alibeaj. 

“Prej vitesh, Shqipëria e sunduar nga Edi Rama është kthyer në vendin kryesor të prodhimit të kanabisit në Europë, pasojat e këtij vullneti të mbrapshtë politik janë shkatërruese për shoqërinë dhe institucionet tona. Që krimi të mos guxojë, që rendi dhe siguria të kthehet në normalitet, zgjidhja që kemi përpara është vetëm një, ndarja përfundimtare e politikës nga krimi dhe ndëshkimi i modelit të ndërtuar nga Edi Rama, i cili ka shkaktuar dhe shkakton vetëm dhimbje dhe pasiguri në familjet shqiptare!”.