Shpronësimet, Balluku: Shtëpia e Maks Velos do të kthehet në identitet dhe do të jetë e hapur për vizitorët

Përditësuar më: 29/9/2021, ora 14:18
balluku 10 1024x576

Shpronësimet, Balluku: Shtëpia e Maks Velos do të kthehet në identitet dhe do të jetë e hapur për vizitorët

Përditësuar më: 29/9/2021, ora 14:18

Shtëpia e arkitektit Maks Velo, i cili ndërroi jetë një vit më parë në moshën 84-vjeçare, do të restaurohet dhe kthehet në identitet. Lajmin e dha ministrja e Infrastrukturës, Belinda Balluku, teksa njoftoi edhe vendimet më të fundit të mbledhjes së qeverisë sa u takon shpronësimeve.

“Një shpronësim i rëndësishëm është një godinë 6-katëshe mes Rrugës së Dibrës e Rrugës së Barrikadave e arkitektit Maks Velo e fillimit të viteve ’70, por që gjatë tranzicionit ka pasur shtesa të paligjshme, ka pasur ndërhyrje në strukturë që është një vepër akitekturore që e konsiderojmë të rëndësishme dhe që duhet ruajtur. Pas shpronësimeve, do të ketë mundësi të rehabilitimit të fasadës, të prishjes së shtesave të paligjshme dhe Bashkia do të ketë mundësi të kthimit të saj në identitet për t’i dhënë mundësi vizitorëve për ta parë këtë vepër të Maks Velos siç ka qenë që në gjenezën e saj”.

Ndër shpronësimet e tjera të miratuara në mbledhjen e qeverisë ishin edhe në unazën lindore të Kavajës, në unazën e Korçës, shpronësimi i një fshati në Bogë dhe një pjesë e aksit Tiranë-Elbasan si procedurë e vonuar.

“Shpronësim për të vazhduar punimet në unazën lindore të Kavajës. Kemi aprovuar sot shpronësimin për vazhdimin e punimeve në rrugën e unazës së Korçës, ish-zona e kundërajrorëve ku kjo rrugë ndërtohet, jo vetëm për trafikun e automjeteve, por edhe për t’u dhënë akses qytetarëve.

Shpronësim një pjese të zonave ku ka kaluar projekti i TAP, gazsjellësi që ka pasur ndikim të madh në zhvillimin ekonomik të Shqipërisë. Edhe TAP do të jetë pjesë aktive e gjithë projektit që kemi nisur dhe po punojmë me dy kompanitë amerikane për TEC-in e Vlorës dhe kemi hedhur hapat e parë Exon Mobile që do të furnizojë këtë TEC dhe shpërndarjes së energjisë. Shpronësimi i një fshati të vogël në pjesën e Bogës një nga fshatrat piktoreske që ndodhet në aksin e rëndësishëm Theth – Shkodër.

Sot, është miratuar një shpronësim që vazhdon si procedurë e vonuar e aksit Tiranë-Elbasan. Kjo është diçka që na çon afër përfundimit të një projektit që ka marrë periudhë të gjatë për të mbyllur procedurat e tij që për shkak të mungesës së dokumentacionit dhe projekti është ndryshuar disa herë dhe duke na dhënë mundësinë të mbyllim hapat proceduralë”.