Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

5 milionë viktima nga koronavirusi, gjysma e botës ende nuk e ka marrë një dozë vaksinë

Nga A2 CNN
2 Tetor 2021, 17:42 | Bota
5 milionë viktima nga koronavirusi, gjysma e botës ende nuk e ka

Koronavirusi tashmë ka shkaktuar 5 milionë viktima në mbarë botën. Këto janë të dhënat e fundit nga agjencia e lajmeve Reuters, e cila shton se njerëzit e pavaksinuar, janë ata që rrezikojnë më shumë tashmë nga varianti Delta.

Pjesa më e madhe vdekjeve që kanë lidhje me koronavirusin në javën e fundit u regjistruan në Shtetet e Bashkuara, Rusi, Brazil, Meksikë dhe Indi.

Sipas analizës së Reuters, ndërkohë që u desh i vit për të shënuar 2.5 milionë viktima nga koronavirusi, shifra 5 milionë u arrit në vetëm 8 muaj.

Javën e kaluar u shënuan rreth 8000 viktima çdo ditë, ose ndryshe 5 viktima çdo minutë. Megjithatë duhet thënë se niveli i vdekshmërisë është ulur në javët e fundit.

Një fokus i veçantë po i kushtohet programit të vaksinimit, sidomos në vendet e varfëra, shumë prej të cilave ende nuk kanë marrë dozat e para të vaksinave.

Sipas një raporti të “Our World in Data” më shumë se gjysma e botës ende nuk e ka marrë të paktën një dozë të vaksinës.

OBSH, gjatë javës së fundit bëri me dije se programi i shpërndarjes së vaksinave Covax, për herë të parë do të shpërndajë doza vetëm për vendet me të ardhura të pakta.

Momentalisht, në vendin e parë përsa i përket numrit më të madh të viktimave renditet SHBA, me mbi 700 mijë fatalitete, e cila po përballet dhe me një fushatë dezinformimi për procesin e vaksinimit.

Në të gjithë botën tashmë po mbizotëron varianti Delta, i cili raportohet në 187 nga 194 vende të Organizatës Botërore të Shëndetësisë.

A2 CNN Livestream

Dita jonë