Rama takon ambasadorin britanik, në fokus bashkëpunimi për sektorë prioritarë

rama ambasadori 1100x620

Reformat, mjedisi, prosperiteti, inovacioni dhe arsimi kanë qenë në fokus të takimit të kryeministrit Edi Rama me ambasadorin e Britanisë së Madhe në vendin tonë Alastair King-Smith. Në një postim në rrjetet sociale, ky i fundit e konsideron një nder që ka biseduar me kryeministrin shqiptar sa i takon çështjeve të përbashkëta prioritare.

“Një nder që diskutuam me kryeministrin Edi Rama për qëllimin tonë të përbashkët të fuqizimit të bashkëpunimit në sektorët prioritarë si: reformat, mjedisi, prosperiteti, inovacioni dhe arsimi.

Ne u angazhuam të rritim dhe forcojmë marrëdhëniet mes Mbretërisë së Bashkuar dhe Shqipërisë për mundësitë dypalëshe dhe sfidat globale”, shkruan ambasadori britanik.