Koronavirusi në Shqipëri, 9 të vdekur, mbi 7 mijë raste aktive

koronavirusi ne shqiperi foto te reja lsa a2 cnn news lajme covid pandemia 1 1100x620

Ministria e Shëndetësisë ka bërë të ditur se në 24 orët e fundit ka pasur një rënie të ndjeshme të testimeve me 2827 persona që kanë bërë tamponin dhe për pasojë edhe rastet e reja kanë ardhur në ulje, me 325 qytetarë të prekur me Covid-19.

Në 24 orët e fundit kanë ndërruar jetë 9 qytetarë të prekur me koronavirus, ndërsa 563 janë shëruar.

Në spitalet COVID po marrin trajtim 164 pacientë, nga të cilët 19 janë në gjendje më të rënduar. Aktualisht në vend janë 7113 pacientë aktivë me Covid-19.

Raporti i plotë i Ministrisë së Shëndetësisë

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.

Çdo qytetar mbi 18 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon:

Janë kryer 2827 testime, nga të cilat kanë rezultuar pozitivë me COVID19, 325 qytetarë, në këto bashki:

158 qytetarë në Tiranë, nga 15 qytetarë në Durrës, Fier, Sarandë, 9 në Kamëz, 8 në Elbasan, nga 7 qytetarë në Gramsh, Lushnje, Kurbin, nga 6 qytetarë në Gjirokastër, Berat, Dimal, nga 5 qytetarë në Skrapar, Vlorë, Krujë, nga 4 qytetarë në Shkodër, Mallakastër, Kuçovë, nga 3 qytetarë në Belsh, Cërrik, Kolonjë, Pogradec, nga 2 qytetarë në Has, Lezhë, Mirditë, Shijak, Vorë, Patos, Himarë, Delvinë, Korçë, nga 1 qytetar në Memaliaj, Këlcyrë, Tepelenë, Përmet, Finiq, Dibër, Kavajë, Kukës, Vau i Dejës.

Janë 7113 pacientë aktivë me COVID19 në të gjithë vendin.

Aktualisht në Spitalet COVID po marrin trajtim 164 pacientë, nga të cilët 19 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19, 9 qytetarë: 3 qytetarë nga Fieri të moshave 51-75 vjeç, 2 qytetarë nga Tirana të moshave 72-73 vjeç, 2 qytetarë nga Vlora të moshave 65-69 vjeç, 1 qytetar nga Lezha 67 vjeç dhe 1 qytetar nga Berati 71 vjeç.

Ministria e Shëndetësisë dhe Mbrojtjes Sociale u shpreh ngushëllimet familjarëve.

Janë shëruar 563 qytetarë gjatë 24 orëve të fundit, duke e çuar numrin e të shëruarve në 165,087 që nga fillimi i epidemisë.

Statistika (10 Tetor 2021)

Raste të reja ditore        325

Të shëruar në 24 orë      563

Të shtruar në spitale       164

Humbje jete në 24 orë     9

Testime ditore                 2827

Testime totale              1,237,635

Raste pozitive                174,968

Raste të shëruara           165,087

Raste Aktive                     7113

Humbje jete                     2,768

Shpërndarja gjeografike e rasteve aktive sipas qarqeve:

Tiranë             3080

Durrës             842

Fier                  712

Shkodër          609

Vlorë               379

Elbasan           346

Lezhë              269

Berat               230

Gjirokastër      208

Kukës              156

Korçë              155

Dibër               127