Basha shkarkon Flamur Nokën nga pozicioni si nënkryetar i Komisionit të Sigurisë

11 TETOR 2021 DITARI 13 00 CLN frame 124064 1100x620

Sot kryetari i PD-së, Lulzim Basha, i ka komunikuar shkarkimin nga funksioni i Nënkryetarit të Komisionit të Sigurisë, Flamur Nokës, si dhe e ka paralajmëruar për përjashtimin e tij nga Grupi Parlamentar.

Në një njoftim për mediat, Partia Demokratike bën të ditura edhe arsyet e këtij vendimi.

“Arsyeja e këtij vendimi është shndërrimi i mbledhjes së Kryesisë së Grupit në laborator të prodhimit të gënjeshtrave për të baltosur Kryetarin dhe Partinë Demokratike, duke sajuar diskutime apo qëndrime, të pathëna dhe të paqena. Këto shpifje dhe sajesa të herëpashershme dhe të përsëritura, dëmtojnë interesin e Partisë Demokratike dhe të demokratëve, duke shfokusuar vëmendjen e betejës së opozitës ndaj të vetmit kundërshtar që është armiku i Shqipërisë dhe shqiptarëve Edi Rama”.