Përmbytje në Kinë, rreth 2 milionë të zhvendosur në provincën Shanxi

Më shumë se 1.76 milionë njerëz janë prekur nga përmbytjet e mëdha në provincën Shanxi të Kinës. Mediat lokale raportojnë se shiu i rrëmbyeshëm, javën e kaluar, çoi në shembjen e shtëpive dhe rrëshqitjeve të tokës në më shumë se 70 rrethe dhe qytete në provincë.

Reshjet e dendura të shiut po pengojnë edhe përpjekjet e shpëtimit, thanë zyrtarët.

Përmbytjet vijnë më pak se tre muaj, pasi shirat ekstremë në provincën Henan lanë më shumë se 300 të vdekur.

Administrata Meteorologjike e Kinës tha se reshjet e mëdha dhe stuhitë po pengojnë përpjekjet e shpëtimit.

Autoritetet i thanë agjencisë së lajmeve Xinhua se më shumë se 120 000 njerëz janë zhvendosur me urgjencë dhe se 17 000 shtëpi janë shembur në të gjithë provincën Shanxi.

Katër policë kanë vdekur si pasojë e rrëshqitjes së dheut, sipas “Global Times”, megjithëse informacioni për viktima të tjera nuk është publikuar, duke shtuar se përmbytja Shanxi mund të ketë qenë më e keqe se përmbytjet në Henan në fillim të këtij viti.

Kryeqyteti krahinor i Shanxi Taiyuan pa reshje mesatare prej rreth 185.6 mm javën e kaluar, krahasuar me 25 mm që pa në tetor midis 1981 dhe 2010.