Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

SHBA mbështet Ballkanin e Hapur: Të përfshijë të gjitha shtetet

Nga A2 CNN
29 Tetor 2021, 13:54 | Politikë
SHBA mbështet Ballkanin e Hapur: Të përfshijë të gjitha

Zv.ndihmës sekretari i Shtetit Gabriel Escobar e bëri të qartë përkushtimin e administratës Biden ndaj Ballkanit Perëndimor gjatë dëshmisë së tij mbi angazhimin e Shteteve të Bashkuara në rajon.

“Udhëheqësit e të tre vendeve që kanë shqyrtuar nismën e Ballkanit të Hapur na kanë siguruar se ajo është e hapur për të gjashta vendet e Ballkanit Perëndimor, dhe ne u besojmë atyre. Në fakt, ajo nuk mund të ketë sukses pa tre vendet e tjera. Nisma e Ballkanit të Hapur pasqyron gjithashtu edhe diçka nga Procesi i Berlinit, quajtur treg rajonal i përbashkët, ndaj ne mendojmë se janë plotësuese, ne mendojmë se çdo gjë që i sjell vendet më afër do të krijojë besim ndërmjet njerëzve, ndërsa do të krijojë edhe mundësi për lëvizje politike për disa nga çështjet”, tha Zv.ndihmës Sekretari i Shtetit Escobar.

https://a2news.com/2021/09/28/rama-ballkani-i-hapur-eshte-vendosur-dhe-do-te-behet-te-gjithe-do-te-vijne-aty-heret-a-vone/

“Pra, po, ne mbështesim të gjitha përpjekjet për t'i sjellë vendet më afër ekonomikisht. A duhet të ndodhë kjo? A duhet të kemi një treg rajonal, një treg të lirë midis gjashtë vendeve me njëzet milionë banorë dhe një ekonomi 125 miliardë dollarëshe, me ritme rritjeje deri në gjashtë apo shtatë për qind? Do të jetë një treg shumë, shumë tërheqës për kompanitë amerikane. Pra, ne duam ta nxisim të gjithë këtë, dhe duam të nxisim gjithashtu edhe investimet amerikane në rajon”.

Gjithashtu, Escobar i bëri thirrje Bashkimit Europian të hapë negociatat e anëtarësimit me Shqipërinë dhe Maqedoninë e Veriut. Zyrtari i Departamentit të Shtetit thotë se kjo është një shtysë për kryerjen e reformave dhe forcim i rezistencës ndaj ndikimit rus dhe kinez në derën e Europës. Gjatë dëshmisë, ai përmendi edhe rëndësinë e dialogut mes Kosovës dhe Serbisë, duke nënvizuar se zgjidhja ideale do të ishte njohja reciproke.

https://a2news.com/2021/10/06/merkel-refuzon-te-caktoje-nje-date-per-pranimin-e-ballkanit-perendimor-ne-be-asnje-vend-nuk-ka-permbushur-kushtet/

A2 CNN Livestream

Dita jonë