Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

United harron makthin e javës së kaluar, fiton bindshëm kundër Tottenham

Nga A2 CNN
30 Tetor 2021, 20:37 | Futboll

Manchester United la pas humbjen historike kundër Liverpool të pësuar javën e kaluar (5-0 në Old Trafford), duke fituar bindshëm 3-0 kundër Tottenham në Londër.

Cristiano Ronaldo ishte protagonist me një gol dhe një asist për “Djajtë e Kuq”. Portugezi shënoi golin e parë të ndeshjes në të 39’, me një gjuajtje të bukur brenda zonës, falë edhe një pasimi spektakolar të Fernandes.

Në pjesën e dytë, Ronaldo ishte në rolin e asistuesit, kur nxori të lirë Edinson Cavani-n që me qetësi dyfishoi rezultatin për të tijtë. Marcus Rashord shuajti çdo shpresë të Tottenham katër minuta para fundit të kohës së rregullt, kur u nxor i lirë nga Matic në krah të majtë dhe nuk gaboi para Lloris.

United ngjitet në kuotën e 17 pikëve, në vend të pestë të renditjes, me vetëm 5 fitore në 10 ndeshje të luajtura deri tani në Premier League.

A2 CNN Livestream

Dita jonë