Një ndeshje dramatike është zhvilluar mbrëmjen e së premtes në Olimpico të Romës, aty ku kampionët e Europës dhe Zvicra u përballët për eliminatoret e Botërorit, në të cilin do të shkojë vetëm një nga dy ekipet.
Itali-Zvicër u mbyll në barazim 1-1, ndërsa drama u zhvillua në minutat e fundit. Berardi fitoi një penallti për të kaltrit, të cilin e mori, si gjithmonë, për ta ekzekutuar Jorginho në minutën e 90, por e goditi mbi traversë.
Nuk ishte mbyllur këtë, në minutën e dytë të shtesës, Andi Zeqiri, lojtari me origjinë shqiptare, kishte në dorë fatet e Zvicrës, por me portën pa portier, i befasoi të gjithë teksa goditi jashtë.
Pas këtij barazimi, teksa ekipet janë me pikë të plota, vendimtare do të jenë ndeshjet e fundit në grup, ku Italia duhet të fitojë patjetër ndaj Irlandës së Veriut, ndërsa Zvicra do të ndeshet me Bullgarinë.