Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Ndeshja e fundit eliminatore, Muçi, Çokaj dhe Seferi i bashkohen Kombëtares

Nga A2 CNN
13 Nëntor 2021, 20:27 | Futboll
Ndeshja e fundit eliminatore, Muçi, Çokaj dhe Seferi i bashkohen

Pas humbjes së thellë ndaj Anglisë me rezultatin 5-0, Kombëtarja ka mbërritur në Tiranë për të nisur menjëherë përgatitjet për ndeshjen e fundit eliminatore ndaj Andorrës për të siguruar dhe vendin e tretë në renditjen e grupit.

Nisur nga dëmtimet dhe kartonët në ndeshjen ndaj Anglisë, tekniku Edy Reja është detyruar të thërrasë në ekip Ernest Muçin, Enis Çokajn dhe Taulant Seferin.

Listës së mungesave i shtohet edhe sulmuesi Armando Broja, i cili gjithashtu nuk do të jetë pjesë e skuadrës për ndeshjen me Andorrën.

Broja u bashkua me skuadrën në stërvitje një ditë para ndeshjes me Anglinë, ku iu nënshtrua testeve mjekësore dhe zhvilloi një seancë të veçuar stërvitore për të parë gjendjen e kaviljes.

Lojtari ka ndjerë përsëri dhimbje dhe pas përfundimit të ndeshjes me Anglinë në “Ëembley” ka kërkuar të rikthehet pranë klubit të tij për të vazhduar terapinë.

A2 CNN Livestream

Debat - nga Alba Alishani