Ishte ndeshja më e rëndësishme e ditës, sfida direkte midis Kroacisë dhe Rusisë për kreun e grupit H të kualifikuesve për Botërorin e Katarit.
Nënkampionët e Botës së Kroacisë arritën të kalonin rusët vetëm në çastet e fundit, falë një autogoli në minutën e 81 nga Kudryashov, që devijoi mes dëshpërimit të shokëve një kros të Kramaric, duke e dërguar atë në rrjetë.
Kështu Modric dhe shokët e tij kalojnë në krye të grupit për vetëm një pikë, duke dërguar rusët në “ferrin” e grupeve playoff.
Një fitore gjithsesi e merituar për ballkanasit që dominuan lojën gjatë gjithë ndeshjes, por pa arritur të shënonin më parë.