Vjen dënimi i parë, pas ndeshjes së pezulluar ndërmjet Lyon-it dhe Marseille, për shkak të goditjes me shishe te Dimitry Payet.
Skuadra e Lyon-it, si organizatore e takimit, është dënuar për momentin me një ndeshje pa tifozë. Njoftimi u dha nga Liga Franceze e Futbollit, e cila saktësoi se në mbledhjen e 8 dhjetorit të Komisionit të Disiplinës do të merren të tjera masa për incidentin.
Pas goditjes me shishe të Payet, lojtarët e Marseille nuk pranuan të ktheheshin në fushën e lojës. Ndërkohë, autoritetet njoftuan ndalimin e autorit të dyshuar të ngjarjes.