Sondazh: Destinacionet e fundjavave tuaja janë:
  • Bregdeti 50%
  • Zonat malore 33%
  • Qendrat historike 17%

Digjet me ceremoni droga me vlerë 1,3 miliardë dollarë

Nga A2 CNN
25 Nëntor 2021, 09:53 | Bota

Autoritetet pakistaneze të antidrogës dogjën të mërkurën një sasi prej 18 tonë drogë, me vlerë 1,3 miliardë dollarë.

Gjatë ceremonisë së djegies, të zhvilluar në periferi të Islamabadit, drejtori i përgjithshëm i Forcave Antinarkotike, Gjeneral Major Ghulam Shabeer Narejo, tha se organizata e tij kishte sekuestruar 184 tonë drogë vetëm gjatë vitit 2021.

Zyrtarët thanë se drogat e sekuestruara ishin hashash, opium, heroinë, amfetaminë, metamfetaminë, ketaminë, kokainë, si edhe Ksanaks, ekstazi, Alrazolam, apo edhe ilaçe e preparate kimike të tjera, në sasi të mëdha.

Pakistani është një rrugëkalim kryesor i lëndëve narkotike që kanë si pikënisje vendin fqinj, Afganistanin, që konsiderohet edhe si prodhuesi më i madh në botë i heroinës dhe një prodhues i rëndësishëm i hashashit.

A2 CNN Livestream

Dita jonë