Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 100%
  • Po,dhe s'ishte argëtuese 0%
  • Jo, nuk më ka ndodhur 0%

Tortura dhe abuzim seksual në burgje, Putin shkarkon zyrtarin e lartë

Nga A2 CNN
25 Nëntor 2021, 18:14 | Bota
Tortura dhe abuzim seksual në burgje, Putin shkarkon zyrtarin e lartë

Presidenti i Rusisë, Vladimir Putin vendosi të shkarkojë nga detyra kreun e shërbimit të burgjeve në vend, pas daljes në rrjetet sociale të disa pamjeve ku shfaqeshin të dënuarit ndërsa torturoheshin dhe dhunoheshin seksualisht.

Shkarkimi i Alexandër Kalashnikov hyri në fuqi menjëherë pas publikimit të dekretit të Putin dhe vendin e tij e zuri Arkady Gosteve, një ish-zëvendësministër i Brendshëm.

Disa javë më parë, nga detyra u shkarkuan 5 zyrtarë të tjerë të burgjeve, ndaj të cilëve u hap dhe procedim penal, pas incidenteve në burgun e Saratov.

Lëvizja e autoriteteve erdhi menjëherë pasi një grup për të drejtat e njeriut, i quajtur Gulag nisi të publikojë online disa pamje të tmerrshme dhunë nga një burg 700 km në juglindje të Moskës.

Kushtet e këqija në burgjet ruse i ka denoncuar para disa muajsh dhe opozitari Alexei Navalny, i cili gjithashtu hyri dhe në një grevë urie.

A2 CNN Livestream

Dita jonë