Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Frikë për variantin e ri “Omicron”, bota ndalon udhëtimet nga Afrika, OBSH: Variant shqetësues

Nga A2 CNN
27 Nëntor 2021, 13:11 | Bota
Frikë për variantin e ri “Omicron”, bota ndalon

Vendet rreth botës po nxitojnë të ndalojnë udhëtimet nga shtetet e jugut të Afrikës në një përpjekje për të frenuar përhapjen e variantit të ri të covid-19, i quajtur Omicron nga OBSH. Organizata e klasifikoi atë si variant shqetësues dhe tha se të dhënat e para sugjerojnë një rrezik të shtuar të riifektimit. Omcron u identifikua fillimisht në Afrikën e Jugut, ku sipas OBSH, është përhapur gati në të gjitha rajonet.

“Omicron klasifikohet si variant shqetësues pasi ka një numër të lartë mutacionesh, shumë prej të cilave me karakteristika shqetësuese. Deri më tani nuk ka shumë informacione po studime të mëtejshme po zhvillohen në Afrikën e Jugut dhe në vende të tjera për të përcaktuar transmetueshmërinë e tij, agresivitetin dhe ndikimin ndaj masave tona”, tha Maria Van Kerkhove, eksperte, OBSH.

Përveçse në Afrikën e Jugut, varianti është identifikuar në Botsvana, Belgjikë, Hong Kong dhe Izrael. Një sërë shtetesh, si Britania e Madhe, Franca, Gjermania dhe Italia dhe Shtetet e Bashkuara kanë njoftuar se nuk do të lejojnë fluturimet nga shtetet e Jugut të Afrikës, e shumë të tjera po vendosin kufizime në udhëtime.

Komsioni Europian rekomandoi shtetet anëtarë të  mos lejojnë fluturimet nga Afrika Jugore. Sakaq, qindra pasagjerë që mbërritën në Amsterdam nga Afrika e Jugut u testuan për variantin e ri. 61 persona nga 2 fluturime rezultuan pozitiv me Covid-19 dhe janë karantinuar në një hotel pranë aeroportit. Autoritetet në Afrikën e Jugut, i cilësuan masat si të pajustifikuara.

A2 CNN Livestream

Dita jonë