Pse mutacioni afrikan quhet Omicron? Kritikët të sigurt: OBSH ka frikë nga Kina

Nga A2 CNN
28 Nëntor 2021, 22:27 | Bota
Pse mutacioni afrikan quhet Omicron? Kritikët të sigurt: OBSH ka

Mutacioni më i ri i koronavirusit, i identifikuar fillimisht si B.1.1.529 pasi u zbulua në Botsvanë dhe në Afrikën e Jugut, tashmë ka një emër më të thjeshtë për t’u mbajtur mend, Omicron.

Mutacionet e shumta dhe agresiviteti i tij do ta kthejë atë që është një germë e alfabetit grek në një nga fjalët më të diskutuara në planet, në javët dhe muajt e ardhshëm.

Por nuk mungon një polemikë as këtë radhë, madje tymnaja e saj po ngrihet gjithmonë e më shumë. Pse variantit të ri afrikan i është dhënë pikërisht këtë emër?

Në fakt, nga fillimi i pandemisë, Organizata Botërore e Shëndetësisë i ka dhënë varianteve të ndryshme të koronavirusit germat e alfabetit grek, sipas rendit, në mënyrë që mos të identifikoheshin me një vend ose person të caktuar. Por varianti i fundit ishte ai kolumbian, i pagëzuar si Mu, dhe si pasojë të gjithë në orët e para të lajmit nga Afrika menduan se do të flitej për një variant Nu, pra germa pasuese.

https://a2news.com/2021/11/26/varianti-i-ri-i-koronavirusit-ka-nje-emer-obsh-eshte-teper-shqetesues/

Por drejtuesit e OBSh, jo vetëm tejkaluan atë germë, por edhe tjetrën, atë Xi, duke shkuar tek Omicron që u zyrtarizua më pas.

Menjëherë kritikët ndaj organizatës dhe menaxhimit të pandemisë prej saj  filluan një fushatë të ashpër, duke akuzuar OBSH-në për frikë të tepruar ndaj Kinës, presidenti i të cilës quhet pikërisht Xi Jinping.

https://a2news.com/2021/11/27/lajm-shpresedhenes-vaksinat-mund-te-mbrojne-nga-variant-i-ri/

Fushata morri dimensione të tilla sa që edhe një ish-kandidat për president dhe eksponent i njohur i republikanëve, si senatori Ted Cruz, në Twitter akuzoi OBSh-në se “ka frikë nga Partia Komuniste kineze, si mund të mendojmë se OBSh do t’i denoncojë ata kur do të fshehin serish një pandemi katastrofike?

OBSh u detyrua të përgjigjej zyrtarisht ndaj akuzave, me efekte kontradiktore, për hir të së vërtetës.

https://twitter.com/tedcruz/status/1464340689655844869

Ndërkohë që për germën Nu zgjedhja u justifikua me ngjashmërinë me fjalën angleze New, që mund të sillte keqkuptime, për sa i përket germës Xi, anashkalimi i saj u justifikua me faktin që “Xi është një mbiemër shumë i përhapur dhe ne jemi të  vëmendshëm për mos të ofenduar grupe sociale, etnike dhe kulturore”. Diçka që, gjithsesi,  nuk përjashton as presidentin kinez.

Përveçse në Afrikën e Jugut, varianti është identifikuar në Botsvana, Belgjikë, Hong Kong dhe Izrael. Një sërë shtetesh, si Britania e Madhe, Franca, Gjermania dhe Italia dhe Shtetet e Bashkuara kanë njoftuar se nuk do të lejojnë fluturimet nga shtetet e Jugut të Afrikës, e shumë të tjera po vendosin kufizime në udhëtime.

https://a2news.com/2021/11/28/publikohet-imazhi-i-pare-i-omicron-cfare-duhet-te-dini-per-variantin-e-ri-te-covid-19/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli