Përfundon kontrata me bashkinë, kriza e mbledhjes së mbetjeve prek Elbasanin

Publikuar më: 3/12/2021, ora 16:12

Përfundon kontrata me bashkinë, kriza e mbledhjes së mbetjeve prek Elbasanin

Publikuar më: 3/12/2021, ora 16:12

Kriza e mbledhjes se mbeturinave urbane ka prekur prej disa ditësh edhe qytetin e Elbasanit. Këtë fakt e vërtetojnë më së miri koshat e mbeturinave plot dhe plehrat e pa mbledhura për disa ditë me radhë thuajse në të gjitha rrugët e qytetit.

Kjo situatë ka ardhur si pasojë e përfundimit të kontratës së firmës që kishte fituar tenderin e mbledhjes së mbeturinave urbane në Bashkinë e Elbasanit.

Sipas punonjësve të kësaj firme, ata kanë ndaluar punën që në datën 24 nëntor, ndërsa më shumë se 300 punonjës janë hedhur në rrugë.

Përballë kësaj situate bashkia ka nisur me punonjësit e saj të mbledhë mbeturinat e shumta në qytet me mjete aspak të përshtatshme për këtë shërbim.

Ndërsa drejtori i drejtorisë së shërbimeve në bashkinë e Elbasanit, kërkon mirëkuptimin e qytetareve dhe shpreson në zgjidhjen sa më të shpejtë të situatës së krijuar.

Ndërkohë ende nuk ka ndonjë arsye se përse nuk është përzgjedhur ndonjë firme tjetër, edhe pse burimet pranë bashkisë së Elbasanit konfirmojnë që tenderi është hapur, por pa sqaruar se çfarë po ndodh më tej.