Ishte padyshim ngjarja më e bujshme e kualifikueseve të Botërorit 2022. Përfaqësuesja e Republikës Demokratike të Kongos fitoi 2-0 duelin direkt me Benin-in dhe siguroi vendin në fazën playoff të Afrikës.
Por, gara për një biletë në eventin më të rëndësishëm, rrezikohej nga gabimi teknik i trajnerit Hektor Raul Cuper.
Ish-tekniku i Interit kishte kryer një zëvendësim më tepër nga ajo që parashikon rregullorja e re në situatën pandemike. Episodi dukej se do të penalizonte Kongon, por FIFA vendosi se gabimi ishte i arbitrit të katërt.
Për këtë arsye, rezultati i ndeshjes mbetet në fuqi dhe Kongo do të luajë në playoff.