Papa Françesku, audiencë për vlerën e birësimit: Çiftet nuk duan më fëmijë, por mbajnë mace dhe qen

Publikuar më: 5/1/2022, ora 10:20
papa 1 1280x720

Papa Françesku, audiencë për vlerën e birësimit: Çiftet nuk duan më fëmijë, por mbajnë mace dhe qen

Publikuar më: 5/1/2022, ora 10:20

“Shumë çifte nuk kanë fëmijë sepse nuk duan një apo më shumë, por kanë mace dhe qen që zënë vendin e fëmijëve. Ky mohim i amësisë dhe atësisë të pakëson, të merr njerëzimin”. Kështu u shpreh Papa Françesku gjatë audiencës në Vatikan.

“Të kesh fëmijë është plotësia e jetës së njeriut”, shtoi Papa, duke u bërë apel institucioneve që të thjeshtojnë procedurën e birësimeve.

“Shpresoj që institucionet të jenë gjithmonë të gatshme për të ndihmuar në birësimin, duke e marrë seriozisht, por edhe duke thjeshtuar procesin e nevojshëm për realizimin e ëndrrës së shumë njerëzve që kanë nevojë për një familje dhe të shumë bashkëshortëve që duan të japin dashuri”, tha Papa.

Ai tha se nuk mjafton që të lindësh një fëmijë për t’u quajtur baba apo nënë, duke theksuar vlerën e birësimit.

“Kjo lloj zgjedhjeje është ndër format më të larta të dashurisë, atësisë dhe amësisë. Sa fëmijë në botë presin që dikush të kujdeset për ta! Dhe sa bashkëshortë dëshirojnë të jenë baballarë dhe nëna, por dështojnë për arsye biologjike; ose, ndërsa kanë fëmijë, ata duan të ndajnë dashurinë familjare me ata që janë privuar nga ajo”, shtoi kreu i Vatikanit.

Për Papën “ne jetojmë në një epokë jetimore, qytetërimi ynë është pak jetim dhe kjo ndjehet. Është një ndjenjë kaq e keqe”. Dhe për të zgjidhur këtë ai kërkoi ndihmën e Shën Jozefit, “babait të supozuar” të Jezusit.