Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Horror në Meksikë, trupat e 10 personave të vrarë lihen para zyrës së guvernatorit

Nga A2 CNN
7 Janar 2022, 17:23 | Bota
Horror në Meksikë, trupat e 10 personave të vrarë lihen para

Trupat e pajetë të 10 personave janë gjetur nga autoritetet meksikane në mes të një qyteti, të vendosur pranë zyrës së guvernatorit dhe të lidhura me drita zbukuruese për pemën e Krishtlindjes.

Autoritetet nisën menjëherë hetimet dhe deri tani janë arrestuar 2 personat që dyshohet se sollën makinën me trupat e pajetë.

Guvernatori i shtetit të Zacatecas, David Monreal shprehet se në trupat e viktimave u gjetën gjurmë të theksuara dhunë.

Agjencia e sigurisë publike tha në një deklaratë se zyrtarët qeveritarë gjetën makinën, një Mazda, pasi vunë re një automjet të dyshimtë që lëvizte në zonë. Ministria federale e sigurisë tha se kishte 10 trupa brenda.

Monreal gjithashtu shtoi se siguria ka qenë një sfidë e madhe në Zacatecas dhe u angazhua se do të vijonte përpjekjet për të reduktuar dhunën.

A2 CNN Livestream

Debat - nga Alba Alishani