Pas protestës, Basha në konferencë për mediat

Publikuar më: 8/1/2022, ora 15:11
basha1 1280x720

Pas protestës, Basha në konferencë për mediat

Publikuar më: 8/1/2022, ora 15:11

Kryetari i Partisë Demokratike, Lulzim Basha, njoftoi një konferencë për mediat në selinë e PD. Por për momentin godina është e rrethuar nga efektivët e policisë, ndërsa prokurorët dhe hetuesit po kryejnë veprime, pasi e morën nën kontroll godinën duke larguar protestuesit.

Sekretari i përgjithshëm, Gazment Bardhi, u filmua duke i kërkuar efektivëve të hapnin rrugën që të lejonin futjen e gazetarëve, por për momentin një gjë e tillë nuk është e mundur.

Konferenca e Bashës parashikohet të mbahet rreth orës 15:30, pasi të ketë përfunduar puna e hetuesve.

Ndërkohë, në orën 18:00, është njoftuar edhe një konferencë për mediat nga ana e komisionit të rithemelimit, që kërkon largimin e Bashës nga selia, pasi nuk e konsideron më kryetar të partisë.