Gazment Bardhi me video për incidentet: Berisha, një ish-burrë shteti që hedh gurin dhe fsheh dorën

Përditësuar më: 9/1/2022, ora 19:10
bardhi ok 1280x720

Gazment Bardhi me video për incidentet: Berisha, një ish-burrë shteti që hedh gurin dhe fsheh dorën

Përditësuar më: 9/1/2022, ora 19:10

Sekretari i Përgjithshëm i Partisë Demokratike, Gazment Bardhi, përmes një video ku tregohen disa nga ngjarjet e ditës së djeshme në selinë e partisë, i ka bërë thirrje edhe një herë elektoratit demokrat por t’u distancuar nga ish-lideri Sali Berisha.

Sipas Bardhit,  ndjenja kryesore mes demokratëve është trishtimi, “e kanë ndier veten të tradhtuar, sepse mund të kenë besuar vërtet tek Sali Berisha”.

Shumë prej ne demokratëve dhe qytetarë të tjerë që presin nga PD të sjellë diçka të mirë për vendin, dje kanë mbetur shumë të trishtuar. Shumë prej demokratëve e kanë ndier veten të tradhëtuar, sepse mund të kenë besuar vërtet tek Sali Berisha. Për të gjithë demokratët kam një mesazh: shikoni këtë video dhe mos i besoni Sali Berishës! Si kjo gënjeshtër, ka gjithçka thotë dhe bën. Ajo që bën është vetëm manipulimi me dëshpërimin tuaj, me hatërmbetjet dhe mosbesimin tuaj për një mijë arsye! Në video duket qartë se zyra e Sekretarit të Përgjithshëm është sulmuar me gurë nga jashtë, por Sali Berisha thotë se është inskenim i Bashës nga brenda! Këtë ka bërë që pej 9 shtatorit! Mashtron dhe manipulon demokratët me qëllimin e vetëm për të shndërruar PD në një strehim politik për vete dhe familjen e tij. Sa herë të dëgjoni Sali Berishën sillni ndërmend këtë video! Këtu shfaqet në pak sekonda historia e një ish burri shteti të zvogëluar në një burracak që hedh gurin dhe fsheh dorën! 👇

Posted by Gazment Bardhi on Sunday, January 9, 2022

Për drejtuesin demokrat, Berisha po manipulon pjesë të demokratëve, me qëllimin e vetëm për të shndërruar PD në një strehim politik për vete dhe familjen e tij”.

Bardhi e cilëson ish-kryeministrin dhe themelues in e partisë së tij si një “ish burri shteti të zvogëluar në një burracak që hedh gurin dhe fsheh dorën”.