Në prag të bisedimeve në Gjenevë, Rusia dhe SHBA përplasen për Ukrainën dhe Kazakistanin

Publikuar më: 10/1/2022, ora 10:23
SHBA RUSIA UKRAINA frame 922 1280x720

Në prag të bisedimeve në Gjenevë, Rusia dhe SHBA përplasen për Ukrainën dhe Kazakistanin

Publikuar më: 10/1/2022, ora 10:23

Përplasje në distancë mes SHBA-së dhe Rusisë në prag të bisedimeve në Gjenevë për sigurinë dhe kontrollin e armëve, të nxitura nga konflikti në Ukrainë.

Sekretari Amerikan i Shtetit, Anthony Blinken, foli me përfaqësuesin e lartë të BE-së për politikën e jashtme, Joseph Borrell, duke theksuar rëndësinë e koordinimit të veprimeve në mbështetje të sovranitetit të Ukrainës.

Ai ripërsëriti kërcënimin për një reagim të ashpër kundër Moskës në rastin e një agresioni ndaj Kievit. Nuk vonon përgjigjja e Rusisë, e cila përjashtoi çdo mundësi për lëshime ndaj Shteteve të Bashkuara në bisedimet që zhvillohen sot në Zvicër.

Zëvendësministri i Jashtëm shprehu zhgënjimin e Moskës për sinjalet e mbërritura këto ditë nga Uashingtoni, por edhe Brukseli. Rusia reagoi edhe ndaj deklaratës së Blinken se Kazakistani mund ta ketë të vështirë të largojë trupat ruse.

Ministria e Jashtme tha se në vend të që bëjë deklarata të tilla, Blinken duhet të reflektojë për ndërhyrjet ushtarake të Shteteve të Bashkuara në mbarë botën.