Ndërron jetë në moshën 65-vjeçare presidenti i Parlamentit Europian, Davide Sassoli

Përditësuar më: 11/1/2022, ora 09:41
sassoli Presidentii Parlamentit Evropian 869x579

Ndërron jetë në moshën 65-vjeçare presidenti i Parlamentit Europian, Davide Sassoli

Përditësuar më: 11/1/2022, ora 09:41

Ka ndërruar jetë në Itali, si pasojë e një sëmundje të rëndë, Presidenti i Parlamentit Europian, Davide Sassoli.

Lajmi u bë i ditur nga zëdhënësi i tij, përmes një postimi në Twitter, i cili shkruan se: “Presidenti Sassoli ndërroi jetë në orën 01:15 të mëngjesit, më 11 janar në spitalin e Avianos, në Itali. Data dhe vendi i funeralit do të komunikohen në orët e ardhshme.

65-vjeçari Sassoli ishte shtruar në spital që prej 26 dhjetorit, për shkak të një komplikacioni serioz të shkaktuar nga mosfunksionimi i sistemit imunitar.

Sassoli, një politikan italian i qendrës së majtë, u trajtua gjithashtu në një spital francez për pneumoni në shtator.

Sassoli u zgjodh president i Parlamentit Europian më 2019. Mandati i tij do të përfundonte këtë muaj dhe nuk pritej të kërkonte një të dytë.

Për shkak të sëmundjes, ai nuk ishte në gjendje të kryesonte parlamentin me bazë në Strasburg në javët e fundit dhe humbi ngjarjen vjetore të Komisionit Evropian për gjendjen e unionit në shtator.