Oketa: Sot vendi është pa opozitë. Berisha-Basha t’ u japin fund sulmeve

Publikuar më: 13/1/2022, ora 21:14

Oketa: Sot vendi është pa opozitë. Berisha-Basha t’ u japin fund sulmeve

Publikuar më: 13/1/2022, ora 21:14

Situata në Partinë Demokratike është shqetësuese jo vetëm në kampin blu, por më tepër për shoqërinë shqiptare. Këtë arsyetim ndau në studion e Absolut 4, politikani Gazment Oketa, sipas të cilit, ngjarja e 8 janarit është absurde dhe e paprecedentë që nisi pas shpalljes pezullimit të Berishës nga grupi parlamentar i PD.

“Është ngjarja që na vendos në pozita të vështira në raport me ngjarjet e së shkuarës. Nëse ka pasur përplasje që nuk na kanë bërë krenarë, kjo është e paprecedentë. Nëse ngjarjet e ‘97 kanë shumë shpjegime e arsye sot pas 31 vitesh është absurde që njerëz që kanë qenë deri më 9 shtator krah njëri-tjetrin, në prill kanë dalë para qytetarëve si ekip të përfundojnë që në 8 janar të kenë një përplasje të tillë”.

Sipas Oketës, sot vendi është pa opozitë dhe kjo përkeqëson imazhin e Shqipërisë. Ai u bëri thirrje të dy liderëve që t’ u japin fund këtyre sulmeve.

“Ajo që duhet të na shqetësojë më shumë është çfarë prodhon kjo për të ardhmen jo vetëm për PD, por më tepër për mesazhin që përcjell te shoqëria shqiptare, tek ata njerëz që do kishin dëshirë të jepnin kontributin politik. Kjo e përkeqëson situatën dhe imazhin e Shqipërisë. Sot ndodhemi në situatë ku vendi është pa opozitë. Më vijnë mesazhe në telefon që Berisha nga një lider historik që i është bashkuar botës së krimit do të ishte në nderin e secilit prej nesh t’u jepnin fund këtyre sulmeve. Berisha nuk është bërë lider më i fortë duke denigruar Bashës, po kështu edhe Basha. Shqetësimi më i madh është për shoqërinë. Secili prej tyre nuk humbet”.