Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Brenda tunelit të Llogarasë, Balluku: Në dalje do të ndërtohet ura më e veçantë në Shqipëri

Nga A2 CNN
25 Janar 2022, 15:11 | Aktualitet

Ministrja e Infrastrukturës, Belinda Balluku, inspektoi punimet në kantierin e Llogarasë, aty ku kanë nisur punimet për hapjen e tunelit prej 2 muajsh.

Një nga inxhinierët e ARRSH bëri të ditur ecurinë e punimeve në këto 60 ditë. Ai u shpreh se deri tani është kryer rreth 5 për qind e punës. “Sot jemi në 5 për qind të punimeve, kemi arritur në ngritjen e kantierit, devijimin e rrugës nacionale për t’i dhënë më tepër mundësi për të punuar. Janë hapur të dyja tunelet në krahun e Vlorës. Në tunelin kryesor kemi ecur me 70 metra gërmim, ndërsa 30 metra në tjetrin. Në krahun e Palasës janë hapur të dyja tunelet, është hapur traseja dhe po vijohet me gërmimin e tuneleve. Jemi me ritme të mira dhe duke parë që sa vjen dhe gjeologjia sa vjen dhe përmirësohet.

https://a2news.com/2021/11/14/nisin-punimet-per-tunelin-e-llogarase-rama-zhvillim-ekonomik-dhe-turistik/

Po ashtu, ai zbuloi një detaj interesant nga projekti, një urë e varur në dalje të tunelit. “Në anën tjetër, veç tunelit kemi ecur me rreth 500 metra rrugë, trase të hapur, ku do të ndërtohen edhe dy ura, njëra prej të cilave do të jetë e varur, e para në Shqipëri. Do të jetë një vepër arti, e cila do të shkojë në unison me bregdetin”.

Ndërkohë, ministrja Balluku theksoi se kjo urë do të jetë hyrja zyrtare në rivierën e jugut. “Nuk do të jetë një urë që do të kryejë vetëm funksionin e saj për lidhjen e tunelit me majën tjetër të malit, por është zgjedhur edhe për dizajnin e saj, pasi do të jetë hyrja në bregdet, duke dalë nga tuneli, të gjithë do të hasen me atë urë, e cila do të jetë hyrja zyrtare e rivierës së jugut”.

A2 CNN Livestream

Debat - nga Alba Alishani