Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Prapaskenat, si do të mbrohet Ilir Meta në Kushtetuese

Nga A2 CNN
31 Janar 2022, 16:25 | Politikë
Prapaskenat, si do të mbrohet Ilir Meta në Kushtetuese

Shtatë gjyqtarët kushtetues të martën do të do të marrin në duart e tyre fatin e Ilir Metës. Para seancës gjyqësore, në dyert e gjykatës mbërritën përfaqësuesit ligjor të Presidentit të cilët kërkuan të njiheshin provat e paraqitura kundër tij. Pas më shumë se 1 ore, juristët presidencialë arritën të njiheshin me një pjesë të dokumenteve nga ku do të përgatisin mbrojtjen ligjore të Ilir Metës.

A2 CNN ka mësuar se kjo mbrojtje do të fokusohet në tre elementë. E para është koha në të cilën po zhvillohet ky proces.

“Presidenti u investua që në datën 1 korrik që të shqyrtohej sa më parë ky gjyq para mbarimit të legjislaturës”, tha Dervishi, këshilltari për çështjet ligjore të Presidentit.

Presidenti mendon se shkarkimi i tij është votuar gjatë një legjislature që tashmë ka përfunduar dhe si rrjedhojë edhe vullneti politik në sallën e Kuvendit mund të ketë ndryshuar. 

Kontestimi i dytë i Metës ka të bëjë me konfliktin e interesit e paktën një pjese të trupës. Gjyqtarja Fiona Papjorgji është atakuar nga kreu i shtetit në Kolegjin e Posaçëm të apelimit ndaj të cilës ka kërkuar edhe masë disiplinore. A2 CNN ka mësuar se ky do të jetë një nga pretendimet në sallën e gjyqit ku do të kërkohet papajtueshmëria e disa anëtarëve të Gjykatës për të cilët stafi i Metës pretendon se janë në konflikt interesi.

Argumenti i tretë i mbrojtjes është më tekniku dhe ka të bëjë me mungesën e një ligji organik për funksionim e institucionit të Presidentit të Republikës. Pa pas një ligj, nuk mund të ketë shkelje ligjore, është në thelb arsyetimi i juristëve të Presidencës.

Kjo mbrojtje ligjore do të jetë decizive për Ilir Metës pasi mbi të varet fati politik i tij, nëse do të jetë presidenti i parë i shkarkuar apo do të jetë politikani që ka korrur fitore në të gjitha betejat ligjore, që nga Gjykata e Lartë deri tek ajo Kushtetuese.  

https://a2news.com/video/vendimi-per-30-qershorin-meta-i-kerkon-kpa-se-te-nise-procedimin-disiplinor-ndaj-gjyqtares-kushtetuese-fiona-papajorgji/
https://a2news.com/2022/01/29/vendimi-i-kuvendit-per-shkarkim-meta-i-drejtohet-kushtetueses-prisja-vendimmarrje-te-shpejte-me-veni-ne-dispozicion-provat-dhe-bazen-ligjore/

A2 CNN Livestream

Ditari nga Denisa Pasholli