Ndonëse tensionet në kufirin mes Ukrainës dhe Rusisë kanë qenë në qendër të lajmeve botërore për muajt e fundit, Kremlini zyrtar mohoi sërish një sulm të mundshëm ndaj fqinjit të saj.
Në mbledhjen e jashtëzakonshme të Këshillit të Sigurisë në OKB për këtë çështje, përfaqësuesi i Rusisë përjashtoi çdo mundësi për një agresion ndaj Ukrainës.
Përkundrazi, Vassily Nebenzia akuzoi se Shtetet e Bashkuara po provokojnë me alarmet e dhëna herë pas herë për një pushtim rus.
“Duket sikur ju po kërkoni një luftë dhe që po prisni që një gjë e tillë të ndodhte, për të vërtetuar akuzat e juaja”, tha Nebenzia.