Sondazh: Sa ju kanë funksionuar dietat e shpejta pranverore?
  • Gjithmonë 18%
  • Me raste 45%
  • Asnjëherë 36%

Aksident i rëndë në aksin Elbasan-Librazhd, 3 viktima dhe 2 të plagosur

Nga A2 CNN
1 Shkurt 2022, 10:25 | Kronikë

Një aksident i rëndë me pasoja tragjike u regjistrua mëngjesin e kësaj të marte, në aksin rrugor Elbasan-Librazhd, në vendin e quajtur si “Kthesat e Murrashit”.

Si pasojë e përplasjes së dy mjeteve, njëri prej tyre ka dalë nga rruga, duke përfunduar disa dhjetëra metra poshtë, në rrjedhën e Lumit Shkumbin.

Fatkeqësisht, mjeti u pozicionua i përmbysur në shtratin e lumit, duke pamundësuar daljen e të gjithë personave që ndodheshin në të. Për pasojë, me gjithë ndërhyrjen e personave të rastit, banorëve të zonës, policisë dhe reparteve zjarrfikëse të Librazhdit dhe Elbasanit, 3 persona kanë mbetur të vdekur, ndërsa 2 të tjerë të plagosur, ku një prej tyre, një minoren, ndodhet në gjendje më të rëndë shëndetësore.

https://www.youtube.com/watch?v=_u38szY1MJ0

Si pasojë e aksidentit kanë gjetur vdekjen shtetasit: E.K. 53 vjeç dhe bashkëshortja E.K. 35 vjeç, si dhe shtetasi E.S. 18 vjeç. Të plagosurit janë shtetasi E.K. 10 vjeç dhe A.H. 20 vjeç.

Personat që udhëtonin në mjetin që doli nga rruga ishin nga Kukësi dhe udhëtonin drejt Librazhdit.

Operacioni i kërkim-shpëtimit ka qenë mjaft i vështirë për shkak të terrenit dhe faktit që mjeti ndodhej në rrjedhën e Lumit Shkumbin.

Për policinë janë ende të paqarta shkaqet, por paraprakisht mendohet se kushtet atmosferike dhe natyrisht mosrespektimi i sinjalistikës rrugore që ka të bëjë me shpejtësinë dhe mbajtjen e krahut dyshohen si shkaktarë të këtij aksidenti tragjik.

“Kthesat e Murrashit” janë ndër njollat e zeza në akset nacionale të vendit, ku edhe më parë janë shënuar aksidente të rënda me pasoja fatale për jetën e njerëzve.

A2 CNN Livestream

Dita jonë