Kthjellime dhe vranësira kalimtare mbizotërojnë motin, gjatë ditës së sotme, ku vranësirat bëhen më të dukshme gjatë mesditës, por nuk priten reshje në territor.

Temperaturat e mëngjesit janë rritur lehtë në veri dhe qendër, por kanë vijuar të ulëta në juglindje, ku minimumi ka shënuar -5°C.

Mesdita sjell rritje të temperaturave në të gjithë vendin, duke variuar nga 10°C në zonat malore deri 16°C, në zonat e ultësirës.

Era do të fryjë e lehtë në tokë dhe mesatare në det nga drejtimi jugor, ndërsa dallgëzimi në det paraqitet i ulët.