Solidarizimi me Ukrainën, Kim dhe Soreca takojnë përfaqësuesin e Kievit në Ministrinë e Jashtme

Përditësuar më: 28/2/2022, ora 19:46
mb trupa diplomatike ne ukraine frame 0 1280x720

Solidarizimi me Ukrainën, Kim dhe Soreca takojnë përfaqësuesin e Kievit në Ministrinë e Jashtme

Përditësuar më: 28/2/2022, ora 19:46

Trupa diplomatike në Shqipëri i është bashkuar solidarizimit me Ukrainën. Ambasadorja e Shteteve të Bashkuara të Amerikës, bashkë me ambasadorin e BE-së, Luigi Soreca dhe Ministren e Jashtme Olta Xhaçka kanë zhvilluar një takim me ambasadorin ukrainas në Tiranë, Voladymir Shkurov, të cilit i kanë shprehur nga afër mbështetjen për popullin ukrainas. 

“SHBA-të, Shqipëria dhe të tjerët qëndrojnë bashkë me vendosmëri në kërkesën që Rusia të ndalë sulmin e paramenduar, të pajustifikuar, dhe të paprovokuar ndaj Ukrainës.”, shkruan Kim në Twitter.

Edhe ambasadori Soreca shprehu mbështetjen e tij ndaj Ukrainës, ndërsa falënderoi Shqipërinë  për dënimin e agresionit dhe vendosjen e sanksioneve ndaj Rusisë. Ministrja Xhaçka u zotua për angazhim të plotë të Shqipërisë, për të dënuar agresionin rus e për t’i qëndruar pranë shtetit të Ukrainës.