Ish-presidenti rus kërcënon Europën me luftë!

Përditësuar më: 1/3/2022, ora 13:54
Ministri francez  Lufte ekonomike Rusise Medvedev  Mbaj gojen Ato shpeshhere kthehen ne luftera te 1280x720

Ish-presidenti rus kërcënon Europën me luftë!

Përditësuar më: 1/3/2022, ora 13:54

Ministri francez i Financave, Bruno Le Maire, deklaroi se Perëndimi i ka shpallur një luftë ekonomike Rusisë, në lidhje me sanksionet e rënda financiare që janë vendosur ndaj Moskës, si reagim për pushtimin e Ukrainës. “Do të zbatojmë një luftë totale ekonomike dhe financiare kundër Rusisë”, tha Le Maire në një intervistë radiofonike.

I menjëhershëm ishte reagimi i Rusisë. Ish-presidenti dhe ish-kryeministri, Dimitry Medvedev, i bëri thirrje zyrtarit francez që të bënte kujdes me deklaratat, pasi luftërat ekonomike mund të kthehen në luftëra reale.

“Sot, një ministër francez ka thënë se na kanë shpallur luftë ekonomike. Mbaj gojën, zotëri! Dhe mos harro që në historinë e njerëzimit, luftërat ekonomike shpeshherë kthehen në luftëra reale”, tha Medvedev në një postim në Twitter.