Rusët bombardojnë teatrin në Mariupol ku strehoheshin qindra civilë

Përditësuar më: 16/3/2022, ora 18:48
1adc6037 b7cd 42fe 85db 3469beb37267

Rusët bombardojnë teatrin në Mariupol ku strehoheshin qindra civilë

Përditësuar më: 16/3/2022, ora 18:48

Një tjetër lajm i rëndë vjen nga lufta në Ukrainë, ku forcat ruse raportohet të kenë bombarduar një teatër në qendër të Mariupolit, ku kishin gjetur strehim qindra civilë.

Sipas mediave lokale, në teatrin e bombarduar strehoheshin mbi 1000 persona, ndërkohë që numri i të lënduarve është ende i paqartë.

Mariupoli është aktualisht i rrethuar nga forcat ruse dhe rreth 300,000 persona kanë mbetur të bllokuar pa ujë të rrjedhshëm, energji elektrike apo gaz. Furnizimet ushqimore dhe mjekësore po mbarojnë dhe Rusia nuk ka lejuar dërgimin e ndihmave humanitare.

Qyteti ka qenë shënjestër e vazhdueshme e bombardimeve ruse që nga fillimi i luftës dhe lagje të tëra janë kthyer në rrënoja. Javën e kaluar, si pasojë e një sulmi në një spital 5 persona humbën jetën.