Sondazh: Destinacionet e fundjavave tuaja janë:
  • Bregdeti 60%
  • Zonat malore 20%
  • Qendrat historike 20%

Zelensky i kërkon Zvicrës të godasë oligarkët rusë: Po na bombardojnë teksa jetojnë në qytetet tuaja të bukura

Nga A2 CNN
19 Mars 2022, 17:38 | Bota
Zelensky i kërkon Zvicrës të godasë oligarkët

Presidenti i Ukrainës, Volodymyr Zelensky, i bëri thirrje Zvicrës që të godasë oligarkët rusë që, sipas tij, po ndihmojnë luftën kundër vendit të tij, duke jetuar në qytetet e bukura zvicerane.

Në një audiomesazh për mijëra protestues që kishin mbushur rrugët e Bernës, Zelensky falënderoi Zvicrën për mbështetjen e saj që prej nisjes së pushtimit rus, por foli qartë për sektorin bankar zviceran.

“Njerëzit që nisën këtë luftë i mbajnë paratë në bankat tuaja. Kjo është e dhimbshme. Ngrirja e llogarive të tyre është edhe luftë kundër të keqes”, tha ai. “Ukrainasve po u shkatërrohen qytetet, me urdhër të personave që jetojnë në qytete të bukura europiane dhe zvicerane dhe gëzojnë mbrojtjen e qyteteve tuaja. Do të ishte vërtet mirë nëse ua hiqni këtë privilegj”.

Edhe pse nuk është anëtare e Bashkimit Europian, Zvicra ka miratuar të njëjtat sanksione si vendet e unionit kundër individëve dhe organizatave ruse, përfshi edhe ngrirjen e pasurive të tyre në bankat zvicerane.

A2 CNN Livestream

Debat - nga Alba Alishani