Anonymous sulmon Bankën Qendrore Ruse: Do të publikojmë sekrete

Përditësuar më: 24/3/2022, ora 10:24
hakerattt 1024x576

Anonymous sulmon Bankën Qendrore Ruse: Do të publikojmë sekrete

Përditësuar më: 24/3/2022, ora 10:24

Grupi i hakerave Anonymous ka sulmuar në orët e fundit Bankën Qendrore të Rusisë dhe raporton se ka marrë prej aty shumë informacione sekrete.

“Brenda 48 orëve do të nxjerrim online më shumë se 35 mijë dokumente me marrëveshje sekrete”, shkruhet në llogarinë në Twitter të Anonymous.

Disa ditë më parë, grupi i hakerave sulmoi faqet online të disa shoqërive të huaja, të cilat vijojnë të operojnë në tregun rus.

Edhe më herët, Anonymous kishte deklaruar se do të sulmonte bankat ruse dhe iu kishte bërë thirrje qytetarëve që të tërhiqnin paratë prej tyre.