Erdogan telefonon Putin, negociatat Rusi-Ukrainë do të mbahen në Stamboll

Përditësuar më: 27/3/2022, ora 20:16
erdogan putin

Erdogan telefonon Putin, negociatat Rusi-Ukrainë do të mbahen në Stamboll

Përditësuar më: 27/3/2022, ora 20:16

Ashtu siç bëri të ditur edhe të premten pas samitit të NATO-s në Bruksel, presidenti i Turqisë Recep Tayyip Erdogan ka zhvilluar një bisedë telefonike pasditen e së dielës me presidentin e Rusisë, Vladimir Putin.

Mediat turke raportojnë se dy liderët kanë rënë dakord që takimi i ardhëm i negociatave Rusi-Ukrainë të mbahet në Stamboll më 28 dhe 30 mars.

Po ashtu, bëhet e ditur se ata kanë diskutuar për situatën më të fundit në Ukrainë dhe procesin e negociatave.

“Gjatë takimit, Erdogan nënvizoi domosdoshmërinë e vendosjes sa më shpejt të armëpushimit dhe ta paqes ndërmjet Rusisë dhe Ukrainës. Ndërkohë, theksoi se Turqia do të vazhdojë të kontribuojë me të gjitha mënyrat në këtë proces”, thuhet në një njoftim të Presidencës së Turqisë.