Erdogan hap negociatat Ukrainë-Turqi: Paqja nuk ka humbës

Përditësuar më: 29/3/2022, ora 10:43
erdogan bisedimet 1166x720

Erdogan hap negociatat Ukrainë-Turqi: Paqja nuk ka humbës

Përditësuar më: 29/3/2022, ora 10:43

Presidenti i Turqisë, Recep Tayyip Erdogan, tha se Zelensky dhe Putin janë “miq të çmuar”, në fjalimin e tij të hapjes së bisedimeve mes Ukrainës dhe Rusisë, në Stamboll.

Ai shtoi se progresi i negociatave do të shtronte rrugën për takimin e dy udhëheqësve, takim të cilin Turqia u ofrua që ta mirëpriste gjithashtu.

Erdogan nënvizoi se të dyja palët kanë “shqetësimet e tyre”, por ka ardhur momenti që bisedimet të sjellin “rezultate konkrete”.

“Paqja nuk ka humbës, ndërkohë që vazhdimi i konfliktit nuk është në të mirën e askujt. Uroj që takimi në Stamboll të jetë i mirë për vendet tuaja, rajonin tonë dhe të gjithë njerëzimin”, u shpreh Erdogan.