SPAK ka firmosur urdhërarreste të reja për çështjen e inceneratorëve.
Disa masa sigurie janë duke u ekzekutuar nga Policia e Shtetit. Mësohet se mes të arrestuarve është edhe Florian Muça, ish-administrator i Albpetrol.
Mes 9 emrave të pranishëm në urdhër arrestin e ri, spikat sërish emri i ish-ministrit Lefter Koka, të ish-anëtares së Komisionit të dhënies së koncensioneve Etleva Kondi, të anëtarit të komisionit të prokurimit të Inceneratorëve Pëllumb Abeshi dhe të ish-kryekomunarit në Portëz, Azem Shatëri.
Ditën e djeshme, Jorida Tabaku i kërkoi Prokurorisë së Posaçme informacione mbi ecurinë e hetimeve për inceneratorët. Nëpërmjet një shkrese dërguar kreut të SPAK-ut, Arben Kraja, ish-kryetarja e Komisionit Hetimor nënvizon se raporti i përgatitur nga anëtarët e opozitës duhet të merret për bazë nga organi i akuzës.
U caktuan masa të sigurimit për shtetasit:
Lefter Koka, ish ministër i Mjedisit, arrest në burg
Azem Shatëri, ish kryekomunar, Portëz, arrest në burg
Pëllumb Abeshi, ish anëtar i komisionit të prokurimit të koncesioneve, arrest në burg
Florian Muçaj, ish anëtar i komisionit, arrest në burg
Erion Murataj, ish anëtar i komisionit, arrest në burg
Sabina Cenoimeri, ish anëtare e komisionit, arrest në shtëpi
Etleva Kondi, ish anëtare e komisionit, arrest në shtëpi
Klodian Zoto, ish administrator i Integratet Technology Servises, arrest në burg
Arenc Myrtezai, ish administrator i inceneratorit të Fierit, arrest në burg