Sondazh: A ju kanë bërë ndonjëherë shaka në ditën e 1 prillit?
  • Po, dhe ishte e bukur 50%
  • Po,dhe s'ishte argëtuese 50%
  • Jo, nuk më ka ndodhur 0%

Në Gjermani është krim të shfaqësh shkronjën "Z": Kushdo që mbështet luftën do të dënohet

Nga A2 CNN
30 Mars 2022, 07:10 | Bota
Në Gjermani është krim të shfaqësh shkronjën

Në Gjermani, kushdo që përdor simbolin "Z" duke iu referuar luftës në Ukrainë, do të dënohet për apologji ndaj krimit. Kjo u bë e qartë nga Ministria e Brendshme gjermane në një postim në Twitter, sipas së cilës, kushdo që mbështet këtë luftë mund të ndiqet penalisht.

"Lufta dhe agresioni rus kundër Ukrainës, është një krim. Kushdo që e mbështet publikisht këtë luftë agresioni, mund të ndiqet penalisht. Kjo vlen edhe për shfaqjen e simbolit "Z". Autoritetet federale po vëzhgojnë përdorimin e simbolit."

https://twitter.com/BMI_Bund/status/1508443796802965504

Ukraina ka ftuar edhe vende të tjera të ndjekin shembullin e Gjermanisë.

Ndalimi nuk i referohet përdorimit të shkronjës "Z", por vetëm atij në lidhje me luftën në Ukrainë. Disa Lande Gjermane individuale po lëvizin në këtë drejtim, në veçanti Berlini, Bavaria, Saksonia e Poshtme dhe Schleswig-Holstein. Baza ligjore për ndalimin është paragrafi 140 i Kodit Penal gjerman, i cili e bën miratimin e drejtpërdrejtë të veprave të veçanta të dënueshme me tre vjet burg.

Fillimisht, e përdorur për të shënuar tanket ruse që hyjnë në Ukrainë, shkronja "Z", që mendohet se është "za pobedu" (që do të thotë "për fitore") u miratua nga rusët si një simbol propagandistik në miratimin e "pushtimit". Ministri i Jashtëm ukrainas, Dmytro Kuleba, u bëri thirrje vendeve të tjera që të ndjekin shembullin e Gjermanisë me një postim në Twitter: "Z do të thotë krime lufte ruse, qytete të bombarduara, mijëra ukrainas të vrarë. Duhet të ndalohet mbështetja publike për këtë barbarizëm", tha ai.

Mes vendeve të tjera, edhe Lituania po shqyrton ndalimin e simbolit. Nëse miratohet, shkelësit mund të gjobiten deri në 500 euro.

A2 CNN Livestream

Ditari nga Denisa Pasholli