Rritet siguria rrugore, vendosen rrjetat te “Kthesat e Murrashit”

Publikuar më: 7/4/2022, ora 15:20

Rritet siguria rrugore, vendosen rrjetat te “Kthesat e Murrashit”

Publikuar më: 7/4/2022, ora 15:20

Kalimi i kontrolluar me një kah në vendin e quajtur “Kthesat e Murrashit”, në aksin nacional Elbasan-Librazhd, kësaj radhe nuk është për shkak të rrëshqitjeve që ndodhin në këtë zonë në situatë me reshje, por për shkak të investimeve për të rritur sigurinë në këtë aks.

Rrjetat do të vendosen në të gjithë gjatësinë që paraqet rrezikshmëri për rënien e inerteve nga shpatet e malit. Ky investim, pritet të rrisë ndjeshëm sigurinë rrugore dhe të shmangë bllokimin e rrugës, që më parë ka ndodhur disa herë.

Gjithashtu, për shkak të rrëshqitjeve të gurëve në këtë aks, nuk kanë munguar aksidentet automobilistike. Ndërkohë, ky aks është pjesë edhe i projektit për zgjerimin e rrugës nga Elbasani në Përrenjas, që synon shtimin e një tjetër korsie, me qëllim lehtësimin e qarkullimit.