Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Sanksionet ndaj vajzave të Putin, reagon Kremlini

Nga A2 CNN
7 Prill 2022, 14:01 | Bota
Sanksionet ndaj vajzave të Putin, reagon Kremlini

Kremlini ka reaguar këtë të enjte pas publikimit të vendimit për miratimin e sanksioneve kundër vajzave të Presidentit Vladimir Putin. Në një deklaratë për mediat, Kremlini thotë se vendimi “është i vështirë për t’u kuptuar dhe shpjeguar”.

Shtetet e Bashkuara shpallën një ditë më parë sanksionet kundër dy vajzave të Putin, Mariya Vorontsova dhe Katerina Tikhonova, si dhe bankave më të mëdha publike dhe private të Rusisë. Sipas zyrtarëve amerikanë, vajzat mund të fshehin në emër të tyre pasuritë e babait.

https://a2news.com/2022/04/07/sanksionet-zbulojne-misterin-qe-rrethon-vajzat-e-putinit/

“Sigurisht që i konsiderojmë këto sanksione si zgjatime të pozicionimit të tërbuar ndaj Rusisë. Sidoqoftë, fakti që po vendosin kufizime ndaj familjarëve flet vetë”, tha zëdhënësi i Kremlinit, Dimitry Peskov.

“Kremlini nuk arrin ta marrë me mend pse vajzat e Putinit janë vënë në shënjestër. Kjo është diçka e vështirë për t’u kuptuar dhe shpjeguar. Fatkeqësisht, duhet të merremi me këta lloj kundërshtarësh”.

A2 CNN Livestream

Debat - nga Alba Alishani