Mjeku ukrainas tregon “barbaritë ruse”: Po fusin bomba te lodrat e fëmijëve

Përditësuar më: 9/4/2022, ora 11:56

Mjeku ukrainas tregon “barbaritë ruse”: Po fusin bomba te lodrat e fëmijëve

Përditësuar më: 9/4/2022, ora 11:56

Oleksandr Yatsyna, një mjek ukrainas, ka deklaruar se trupat ruse po mbushin me eksplozivë edhe lodrat e fëmijëve.

“Në fillim nisën bombardimet, pastaj ekzekutimet, më pas minat nëpër rrugë, por gjëja më e keqe që po bëjnë është mbushja e lodrave të fëmijëve me lëndë eksplozive. Po shënjestrojnë familjet si një strategji për të tmerruar njerëzit dhe të mposhtin rezistencën. Por, nuk e kuptojnë se sa më shumë tmerre na shohin sytë, aq më trima bëhemi”, tha doktori për “The Times”.

Yatsyna thotë se ka frikë që edhe spitali ku ai punon në Kiev, mund të sulmohet: “Nuk kam asnjë garanci, ata mund të sulmojnë këdo. Mund të sulmojnë doktorët dhe pacientët, ne që nuk kemi ku arratisemi jemi shënjestrat parësore. Këtë gjë e kam kuptuar kur u sulmua materniteti në Mariupol. Nuk e besoja dot që një gjë e tillë ndodhi”.