Infektohet me Delta dhe pas 20 ditësh me Omicron, rasti i parë i dokumentuar në një kohë kaq të afërt

Përditësuar më: 21/4/2022, ora 18:40
omicron 1280x720

Infektohet me Delta dhe pas 20 ditësh me Omicron, rasti i parë i dokumentuar në një kohë kaq të afërt

Përditësuar më: 21/4/2022, ora 18:40

Një 31-vjeçare në Spanjë u infektua dy herë brenda 20 ditëve, pavarësisht vaksinës dhe përforcuesit.

Sipas “Corriere della sera” punonjësja e shëndetësisë u infektua fillimisht me variantin Delta, pastaj brenda pak javësh me Omicron.

Ky rast i paraqitur në kongresin e Shoqatës Evropiane të Sëmundjeve Infektive dhe Mikrobiologjisë Klinike, që po zhvillohet në Lisbonë, tregon se mund të riinfektohemi edhe pas një kohe të shkurtër, pavarësisht vaksinimit të plotë dhe se Omicron është i aftë të shmangë imunitetin nga vaksina dhe infeksioni i mëparshëm.

Infermierja rezultoi pozitive me një tampon molekular për herë të parë më 20 dhjetor 2021 gjatë ekzaminimit të stafit në vendin e punës, pa shfaqur asnjë simptomë. Ajo kishte marrë përforcuesin 12 ditë më parë dhe u izolua për 10 ditë para se të kthehej në punë.

Më 10 janar 2022, vetëm 20 ditë pasi rezultoi pozitive për herë të parë, ajo pati kollë dhe temperaturë. Pasi kreu një tjetër test molekular ishte ende pozitive.

Sekuenca e të gjithë gjenomit viral zbuloi se pacientja ishte i infektuar me dy lloje të ndryshme të Sars-CoV-2.

Infeksioni i parë, në dhjetor, ishte me variantin Delta dhe i dyti, në janar, me variantin Omicron.