Bezos “thumbon” Elon Musk: Blerja e Twitter, Kina ka fituar pushtet

Përditësuar më: 26/4/2022, ora 15:29
Bezos Musk 1280x720

Bezos “thumbon” Elon Musk: Blerja e Twitter, Kina ka fituar pushtet

Përditësuar më: 26/4/2022, ora 15:29

Elon Musk dhe Jeff Bezos janë dy nga personat më të pasura në botë, me shumë mundësi numri 1 dhe numri 2 i asaj renditje.

Mes tyre nuk ka simpati, dhe kjo dihej, madje janë konkurrentë në shumë fusha të ndryshme, deri te udhëtimet hapësinore, njëri me XSpace , tjetri me Blue Origin.

Por blerja e bujshme e Musk të një prej mediave sociale kryesore në botë, Twitter, për shifrën e 44 miliardë dollarëve, rrezikon të shndërrojë antipatinë dhe rivalitetin në përballje të hapur.  

Bezos, krijuesi i Amazon, postoi pikërisht në Twitter një postim ku komentonte një artikull të një gazetari të New York Times, i cili shtjellonte tezën që Musk është shume i lidhur ekonomikisht me Kinën, dhe se kjo mund të përfaqësonte një rrezik për lirinë shprehjes në Twitter.

“Mos vallë Kina ka fituar pushtet në sheshin e fshatit”, term me të cilin Bezos ironizon pikërisht rrjetin social tashmë të Musk.

Nuk është hera e parë që dy multimiliarderët ironizojnë kompanitë e tyre. Një muaj më parë, Musk shkruante për prestigjiozen Washington Post, ne pronësi të Bezos, që është një vend i mirë për t’ia futur së qeshurës” .

Musk bleu Twitter për shifrën përrallore, por e përballueshme nga ai që revista Forbes cilëson si njeriun më të pasur në botë, me një kapital prej 273.6 miliardë dollarësh, kryesisht për shkak të aksioneve të tij në prodhuesin e automjeteve elektrike Tesla.