Laçi ka shtyrë festën e titullit kampion për Tiranën, teksa e ka mundur në ndeshjen e kësaj jave minimalisht 1-0, me gol të shënuar nga Guinto që në pjesën e parë.
Bardhebluve do t’u mjaftonte edhe një pikë në këtë transfertë për të siguruar titullin kampion këtë edicion, por kurbinasit nuk kanë toleruar aspak duke rrëmbyer 3 pikët.
Ndërkohë, në derbin ndaj Dinamos, Partizani triumfoi 3-1 edhe pse e luajti pjesën më të madhe të ndeshjes me një lojtar më pak.
Pjesa e parë u dominua nga të kuqtë, të cilët realizuan me Stenio Junior në minutën e 26-të, por vetëm 3 minuta më pas Tedi Cara realizoi edhe golin e dytë. Por festa nuk zgjati shumë pasi Massanga Matondo la ekipin e tij me një lojtar më pak, pasi mori kartonin e dytë të verdhë. Në minutën e 38-të, Dinamo shkurtoi diferencën nga pika e penalltisë, por vetëm kaq. Në fundin e ndeshjes, Tedi Cara e vulosi rezultatin në 3-1 për Partizanin.