Kievi mbyll portet e qyteteve të pushtuara

Përditësuar më: 1/5/2022, ora 08:20
kievi 1280x720

Kievi mbyll portet e qyteteve të pushtuara

Përditësuar më: 1/5/2022, ora 08:20

Ministria e Infrastrukturës e Ukrainës ka lëshuar një urdhër për mbylljen e porteve të Berdiansk, Mariupol, Kherson dhe Skadovsk derisa të rivendoset kontrolli mbi këto qytete.

Kjo është raportuar nga Ukrinform duke cituar një deklaratë të publikuar në faqen e internetit të Këshillit të Ministrave të Ukrainës.

“Në lidhje me luftën në shkallë të gjerë të zhvilluar nga Federata Ruse më 24 shkurt 2022 kundër Ukrainës dhe popullit ukrainas në kundërshtim me ligjin ndërkombëtar, duke nisur sulmet me raketa në të gjithë Ukrainën dhe duke kryer krime kundër komunitetit tonë, Ministria e Infrastrukturës së Ukrainës miratoi Urdhëresa nr. 256 e datës 28 prill 2022, e regjistruar në Ministrinë e Drejtësisë së Ukrainës më 29 prill 2022 si nr. 470/37806 “Për mbylljen e porteve detare”, thuhet në deklaratw.

Sipas urdhëresës, nga data e publikimit zyrtar, portet detare të Berdiansk, Mariupol, Skadovsk dhe Kherson do të qëndrojnë të mbyllura deri në rivendosjen e kontrollit mbi të njëjtat porte.

“Ky vendim është marrë për shkak të pamundësisë për t’i shërbyer anijeve dhe pasagjerëve, si dhe për sigurimin e një niveli adekuat të sigurisë së lundrimit dhe mbrojtjes së mjedisit gjatë operacioneve ushtarake ruse në këto rajone, që kërcënojnë jetën dhe shëndetin e njerëzve. Operacionet e porteve detare do të rifillojnë pas fitores së Ukrainës mbi pushtuesit rusë”, përfundon deklarata.