Do të ndikojnë deklaratat anti-Biden të Kokalarit në marrëdhëniet me SHBA? Bumçi: Nuk përfaqëson PD-në

Përditësuar më: 2/5/2022, ora 21:24
2 MAJ DEBAT P2 CL frame 5727 1280x720

Do të ndikojnë deklaratat anti-Biden të Kokalarit në marrëdhëniet me SHBA? Bumçi: Nuk përfaqëson PD-në

Përditësuar më: 2/5/2022, ora 21:24

Deklaratat e Evi Kokalarit kundër presidentit amerikan Joe Biden, gjatë Kongresit të PD-së rrezikojnë të përkeqësojnë serish marrëdhëniet midis PD-së dhe Uashingtonit. Por Aldo Bumçi, i ftuar në ”Debat” e mendon ndryshe.

Sipas tij “deklarata e zonjës Kokalari nuk përfaqëson qëndrimin e Partisë Demokratike”. Për Lutfi Dervishin, kjo nuk përben gjithsesi një risi,  edhe në SHBA.   

“Ka mbajtur qëndrimin e saj, në SHBA lufta politike është e njëjtë si në Shqipëri dhe ajo përfaqëson krahun konservator. Por ne jemi një vend i vogël me halle të mëdha, dhe nuk na shkon të merremi me demokracinë amerikane”, thotë Dervishi në emision, duke shtuar se “marrëdhëniet janë midis shteteve,  jo partive politike”.

Por a do të afektojë zgjedhja e Berishës në marrëdhënien me SHBA? Sipas Bumçit, “unë kam besim që SHBA si vend demokratik do të respektojë vendimin e qytetareve të një vendi pro-amerikan dhe anëtar i NATO-s.